Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

Франтавыя дарогі

Сярэдняя: 4.5 (32 галасоў)
Горды сцяг перамогі.
Кроў братоў і сыноў.
Франтавыя дарогі
Грозных,
               чорных гадоў.

Дым уедлівы, горкі,
Сталі плаўленай гром,
Смерць пад кожным узгоркам,
Смерць пад кожным кустом.

Мы ж дарогамі смерці
Непахісна ішлі,
Гора клала на сэрцы
След, як танк на зямлі.

Ў ботах кірзавых ногі
Не маглі адпачыць.
Франтавыя дарогі,
Колькі вас, —
                         не злічыць!

Шмат салдацкага поту
На шляхах палявых,
На багнішчы ў балотах,
На завалах лясных.

Дождж асколачны з ветрам.
Шкуматала.
                    Гуло.
Нам вайны кіламетры
Браць не лёгка было.

Многа згінула, многа
У змаганні цяжкім,
Франтавыя дарогі,
Вам вядома адным.
 
Знаюць нашы шынелі,
Што прабіты не раз, —
Мы спачынку не мелі,
Помста рухала нас.

За свабоду Айчыны
Біўся воін-салдат.
Мы дайшлі да Берліна,
Быў такі нам загад!