Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

Караблі на Гудзоне

Яшчэ не ацэнена
Нібы чарада прыляцела якая, Села на хвалі — на цэлыя гоні, Ціха стаяць і свой век дажываюць Караблі на Гудзоне. Я знаю, былі ў іх цяжкія паходы, А сёння, як галкі, пазвесіўшы дзюбы, Стаяць і глядзяць на сцюдзёныя воды, Схіляючы трубы. На рэчцы Гудзоне разгону не многа, Сюды толькі ветры даходзяць марскія. Ім сняцца сярод акіянаў дарогі I справы былыя. I сэрца ўздымаюць з удзячнасцю думы Аб іхніх дарогах, з якімі я згодны, Як везлі праз штормы гружоныя трумы На бераг мой родны. Праз чорныя ночы, між айсбергаў хмурых Плылі яны ў далі ў ліхія марозы, А ў небе, са свастыкай, ў лютай віхуры Гулі бамбавозы. З тых боек нікуды вы больш не хадзілі, Цяпер стаіцё вы, натрудзіўшы спіны. Ну што ж, вы папраўдзе, відаць, заслужылі Тут свой адпачынак. Калі ж пабрыдзе каму думка дурная, Ваякам бяздумным у вашай жа хаце, Паверце, на бітвы — я шчыра вам раю — Насоў не ўздымайце. На небе высокім ёсць птушка такая, Яна можа хутка давесці да скону. Хай лепей з падзякаю вас праслаўляюць, Караблі на Гудзоне!Nike