Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

Пошукі тэмы

Яшчэ не ацэнена
Даўно ў душы няма спакою,
        як бы на моры без вясла.
Шукаю тэму даспадобы
        і каб па сіле мне была.

Гляджу на неба — не знаходжу,
        уважна аглядаю дол.
А мне гавораць: што за справа,
        ты толькі глянь як след вакол.

Гляджу вакол на будаўніцтва —
        плаціны, ДЭС, за гмахам гмах.
А я баюся падступіцца:
        ці ён па мне такі размах?!

Гляджу на поле — залатое,
        а гераінь, герояў шмат.
Ах, каб мне слоў, ну хоць бы столькі...
        ну, колькі ў полі тых зярнят!

Ды каб сяброў здзівіць, уразіць,
        я пра высокае хачу.
А можа, кінуцца мне ў космас?
        Ды не, відаць, не далячу.

Ну, добра. Бачу прыгажуню,
        бягу з настроем маладым.
Яна ж хусцінкаю махнула
        і адышла зусім з другім.

Дык да чаго ж, куды імкнуся?
        I хоць ты з сораму згары.
Ну што ж, відаць, для гэтай тэмы
        і я сягоння застары.

А можа, тая, што ў бразготках —
        ідзе бяздумная, пяе... 
Ды не! Даступная такая,
        што зацягалі ўсе яе.

I не знайшоў. Сябе сцішаю.
        Яшчэ напішацца, дарма —
Калі жыццё ды так уразіць,
        што і ратунку больш няма!