Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

Скарб

Сярэдняя: 4.8 (4 галасоў)
Балота без краю, Куп'ё, багавінне... Драбнюткія сосны Застыглі ў маркоце... Сказалі калісьці Дзяды мне, хлапчыне, Што ходзяць начамі Агні на балоце. Сказалі, што з нетраў, З глыбокіх аконцаў, Увысь уздымаецца Бляск нястрыманы, Што гэта, няйначай, Як свецяць чырвонцы, Што недзе ў бяздонні Ёсць скарб захаваны. Падрос я. Тым скарбам цікавіўся многа. Не раз я начамі, Знікаючы з дому, Сачыў за агнямі Са дна залатога, — Мне іх давялося Пабачыць самому. I годы міналі Услед за гадамі. Я марыў Пра тайныя сховы багацця. I толькі вялікім Дазнаўся з сябрамі, Як трэба нам Скарбу таго дабівацца. Мы доўга гадалі, і Як багну пасіліць, Было ў нас пра гэта Нямала клапотаў, Мы дружнай сям'ёю Як след падлічылі I выйшлі з рыдлёўкамі Ўсе на балота. Мы працай упартай Багацця шукалі, Ад ранку да вечара Спіны мы гнулі — Удоўжкі і ўшыркі Балота капалі... I срэбрам бялюткім Каналы бліснулі. А потым Мы выйшлі усе з тапарамі, Хіліліся нізка Кусты галавою. А потым Прайшліся як след трактарамі, I гоні пакрыліся Чорнай раллёю. Нарэшце Баронамі скрозь запахалі, А ўлетку пайшло Красаваць, каласіцца... I мы дамагліся — Той скарб адшукалі У золаце чыстым Паспелай пшаніцы.Adidas Shoes