Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

Смерць героя

Сярэдняя: 4.4 (5 галасоў)
Хачу я, каб вечна у сэрцах жылі Геройскія справы савецкай зямлі. Бары векавыя, бярозавы шлях, Праслаўце героя, праслаўце ў вяках! Дык здымем жа шапкі, браты і сыны, — Было гэта ў часе Айчыннай вайны: Бліз Нёмна варожы ішоў эскадрон, Казаха-разведчыка ўзяў у палон. Салдатам рашыў афіцэр паказаць, Што вельмі няцяжка з такім ваяваць. — Ну, што ты дзічышся! — крычыць афіцэр. — Пра ўсё ты мне мусіш данесці цяпер. Да гор Ала-Тау адсюль не дастаць, Чаго ж табе гэтай зямлі шкадаваць? — Узняўшыся горда, Адкінуўшы страх, Спакойна чужынцу прамовіў казах: — Захопіце край вы на Нёмне-рацэ, А кроў з Ала-Тау майго пацячэ; Я гэтай зямлёю, як сын, даражу, Нічога, Нічога я вам не скажу — Ад лютае злосці збялеў афіцэр, Накінуўся, быццам раз'ятраны звер, За ослух казаха рашыў пакараць, Загад даў да дуба яго прывязаць. А сам уздымаўся над ім каршуном, А сам пацяшаўся над ім бізуном: — Я доўга распытваць Не звык, не люблю, Не скажаш, Дык ведай: Я горай зраблю! — Стаіўшы нястрыманы боль у вачах, Спакойна на гэта прамовіў казах: — Ты ведай, чужынец, Мне край гэты люб, Глядзі, прад табою магутнейшы дуб; Глыбока, глыбока карэнні ўраслі, Глыбока прырос я да гэтай зямлі! Я гэтай зямлёю, як сын, даражу, Нічога, Нічога табе не скажу! — I вораг загад свой ізноўку аддаў — Казаха па грудзі ў зямлю закапаў. — Што жмурыш вачамі, Не гневай мяне, Яшчэ раз пытаю — Раскажаш ці не? — Гарачая кроў закіпела ў грудзях, З пагардай чужынцу прамовіў казах: — Табе не вярнуцца Ніколі з вайны, I выдзеўбуць вочы табе груганы... Ну што ж, хай загіну I я на вайне, Зямля, мая маці, Сагрэе мяне! Я гэтай зямлёю, як сын, даражу, Нічога, Нічога табе не скажу! * * * I ўсё. Хай даскажа вам бор над ракой, Як мужна загінуў разведчык-герой!adidas