Раiм наведаць


Игра war of omens на StopGame.ru
Каб дадаць спасылку
на Ваш сайт, пiшыце ў
зваротную сувязь

Лічыльнікі

Як нас знаходзяць

-

За наступнымі гадамі

Яшчэ не ацэнена

Дзень за днём і дні за днямі
Ўсё жыццё пераіначаць.
За наступнымі гадамі,
Што я сэрцам чую, бачу —

Грамаду людзей шчаслівых,
Болей звонкі ў песнях голас,
Бег матораў больш руплівы,
Найспарнейшы хлебны колас.

Гарадоў дзівосных аркі —
У зялёным буйным лісці,
Неба сіні самай яркай
I ваду яшчэ празрысцей.

Дрэвы ў самым буйным цвеце,
Кветкі быццам зоры тыя,
I галоўнейшае ў свеце —
Душы светлыя людскія.

Дзень за днём і дні за днямі
Нашу радасць у паходзе
Здабываць мы будзем самі,
Бо нішто так не прыходзіць.

Хтосьці зробіць дом на славу,
Хтосьці даль нябёс падлічыць,
Хтось даб’ецца лепшых сплаваў,
А хтось зерне павялічыць.

Хопіць працы і клапотаў
Збудавацца адмыслова,
Будзе кожнаму работа,
Мне ж — шукаць такое слова,

Каб яно свяціла ўночы,
Каб яго як сустракалі —
У людзей гарэлі вочы
I каб сэрцы ўсіх спявалі.